أنشودة – يوم جمعه – من ألبوم بالمصري- للعفاسي 2017
أنشودة – يوم جمعه – من ألبوم بالمصري- للعفاسي 2017
كلمات : بهاء الدين محمد
أداء : مشاري راشد العفاسي
ألحان : وليد سعد
توزيع : مصطفى قاسم – أحمد سعيد
الكلمات :
أنا كل يوم جمعة بتمشى للجامع
و معايا جار دايماً يقابلني في الشارع
إنسان بسيط طيب و بيقول كلام طيب
بعد ما نصلي يصاحبني و أنا راجع
و في يوم مجاش صلى مجاش مقابلتهوش
و فضلت أدور في الملامح و الوشوش
و بعد ما صليت و أنا في الطريق للبيت
فجأة كده حسيت إني قلقت عليه
دخلت شارع بيته سألت جاره عليه
لقيته ميعرفوش لكنه كتر خيره ساعدني اوصل ليه
دخلت لقيته نايم مريض عايش لوحده
و عشان بيحبه ربه سخرني عشان اساعده
جاره وقف على الباب واضح انه اتكسف
قاله اتفضل دخل حزين في عنيه أسف
قدم له اعتذاره و اطمنا عليه
و انا ماشي وعدني جاره انه هيهتم بيه
شكرته اعتذر لي شكرني إني جيت
أتاري جاره كان ساكن في نفس البيت
عايشين في بيت واحد و الباب قصاد الباب
جمعتهم الأقدار لكنهم أغراب
 | لتنزيل الملف اضغط هنا > أنشودة - كل يوم جمعه - من ألبوم بالمصري- للعفاسي عدد مرات التنزيل: 533 وصف الملف: أنشودة - كل يوم جمعه - من ألبوم بالمصري- للعفاسي |